ва дар ривояти Муслим, он ҳазрат (с) фармуданд: (Агар то соли оянда будам, рӯзи нуҳумро низ рӯза мегирам) [Ба ривояти Муслим].
4. Рӯзҳои бизи (сафед) ҳар моҳ
Рӯзҳои биз
Ҳамон рӯзҳои сездаҳум ва чаҳордаҳум ва понздаҳуми ҳар моҳи ҳиҷрӣ қамарӣ ва ба номи биз ном ниҳода шуда, зеро ки шабҳояш бо равшании моҳтоб ба сафедӣ мезанад.
Ба далели он чӣ, ки аз Абдулмалик бин Минҳол, аз падараш ривоят шуда, ки бо Набии акрам (с) буда, ки фармуд:
Набии акрам (с) ба онҳо амр мекард, то дар рӯзҳои биз рӯзадор бошанд ва мефармуданд, ки: (он ба манзалаи рӯзаи даҳр аст) [Ба ривояти Ибни Ҳиббон].
5. Рӯзаи рӯзҳои душанбе ва панҷшанбе аз ҳар ҳафта
Ба далели он чӣ аз Абӯҳурайра (р) ривоят шуда, ки Расули Аллоҳ (с) фармуданд: (Аъмол дар рӯзҳои душанбе ва панҷшанбе пешкаш мешавад, пас дӯст медорам, ки амали ман дар ҳоле, ки рӯзадор бошам, пешкаш шавад) [Ба ривояти Тирмизӣ].
6. Рӯза доштани якрӯз ва надоштани рӯзи дигар
Беҳтарин рӯзаи нафлӣ, рӯзаи Довуд (а) аст, ки як рӯз рӯзадор буданд ва рӯзи дигар, ифтор мекарданд.
Аз Абдуллоҳ бин Амр (р) ривоят аст, ки фармуданд: (Маҳбубтарин рӯза назди Аллоҳи мутаъол, рӯзаи Довуд (а) буд, ки як рӯз рӯза медошт ва рӯзи дигар, ифтор мекард) [Ба ривояти Насои].
7. Рӯзаи моҳи Муҳаррам
Аз Абӯҳурайра (р) ривоят шуда, ки фармуд: Расули Аллоҳ (с) фармуданд: (Беҳтарин рӯза, баъд аз Рамазон, рӯзаи моҳи Аллоҳ, Муҳаррам аст) [Ба ривояти Муслим].